Yangiliklar

1217 Ko'rilgan Yangiliklar

"Pragmatik siyosat – mintaqaviy va global integratsiya” mavzusida seminar bo'lib o'tdi.

      2019 yil 23 - oktyabr kuni Toshkent davlat iqtisodiyot universitetida mamlakatimizning xorijda tajriba oshirib kelgan taniqli ekspertlaridan biri, O‘zbekiston xalqaro islom akademiyasida faoliyat yuritib kelayotgan ma'ruzachi s.f.d., Mahmudov U.B. hamda “Iqtisodiy rivojlanish forumi” koordinatori Abralov M.M. ishtirokida seminar darsi tashkil etildi. “Pragmatik siyosat – mintaqaviy va global integratsiya”mavzusida tashkil etilgan seminar darsida universitet professor-o‘qituvchilari, ilmiy tadqiqotchilar va talabalar ishtirok etdi.Tadbirni “Jahon iqtisodiyoti” kafedrasi mudiri dots.  Ismailova N.S. ochib berdi. U tadbirni ochib berish nutqida bunday seminarlarni tashkil qilish an'ana tusiga kirib borayotganligi, talabalar qiziqish doirasini tobora kengroq qamrab olayotganligi va ushbu seminarning ilmiy-amaliy natijalar berayotganligini alohida ta'kidlab o‘tdi.
      Mahmudov Umidjon tashqi savdoning rivojlanish omillariga alohida urg‘u berib, mamlakatlar iqtisodiyotini rivojlanishida tashqi savdoni liberalashtirish va proteksionizm jarayonlarini pasaytirish yuqori samara berishini ta'kidlab o‘tdi. Shuningdek, u globallashuv sharoitida proteksionistik siyosatni bosqichma-bosqich pasaytirib borish orqali yuqori rivojlanishga erishi mumkinligi haqida aytib o‘tdi. O‘zbekistoning YevroOsiyo Ittifoqiga a'zo bo‘lishi, jahon savdo tashkiloti bilan hamkorlik shartlarini muvofiqlashtirilishi va qo‘shni mamlakatlar bilan geosiyosiy vaziyatlarni hal etilishi masalalari talabalar tomonidan berilgan savollarning asosiy mazmunini tashkil etdi.
Seminar oxirida bunday tadbirlarni kelajakda doimiy o‘tkazish va ma'ruzachilar bilan ilmiy amaliy hamkorlikni saqlab qolish to‘g‘risida kelishib olindi.
 
 

- - -