ilmiy innovatsion

Marketing kafedrasi muammoli ilmiy-amaliy seminar tashkil etdi

725 Ko'rilgan ilmiy innovatsion

Marketing kafedrasi muammoli ilmiy-amaliy seminar tashkil etdi

Marketing kafedrasida “Mamlakatimiz iqtisodiyotini moderizatsiyalash va divesifikatsiyalash sharoitida real sektor korxonalari faoliyatini rivojlantirishda marketing tizimidan foydalanish” mavzusida muammoli ilmiy-amaliy seminar bo‘lib o‘tdi.

Seminarda marketing kafedrasining professor o‘qituvchilari, katta ilmiy xodim-izlanuvchilari, mustaqil tadqiqotchilari, talabalar va korxonalar vakillari ishtirok etdi.

Seminarda “Fayz” MChJ shaklidagi ko‘shma korxona boshqaruv raisi o‘rinbosari F. Baratov “Ishlab chiqarishni modernizatsiyalash va diversifikatsiyalash sharoitida mebel sanoatini rivojlantirishda marketing tadqiqotlari foydalanish va istiqbolini belgilash” mavzusidagi ma'ruzasi tinglandi. Ma'ruzada mamlakatimiz mebel sanoatini rivojlantirish borasida amalga oshirilayotagn ishlarga to‘xtalib, uning istiqbolini belgilash bo‘yicha olib borilayotgan maketing tadqiqotlari va ularning amaliy natijalari xususida batafsil tushunchalar berdi. Ma'ruzachi mebel bozorining 2020 yilgi holati va aholini mebellar bilan ta'minlanish istiqbollarini asosli raqamlar asosida ochib berdi. Mebel mahsulotlarini sotish muammolariga alohida to‘xtalib, uning yechimlari borasidagi fikrlari seminar ishtirokchilarida alohida qiziqish uyg‘otdi.

O‘zbekiston Respublikasi Vazirlar Mahkamasi xuzuridagi Prognozlashtirish va makroiqtisodiy tadqiqotlar instituti loyiha rahbari Sh. Nazarovning “Mintaqa rivojlanishining strategiyalari va uzoq muddatli dasturlarni ishlab
chiqishning uslubiy yondashuvlari” mavzusidagi ma'ruzasi mamlakatimiz hududlarini raqobatbardoshligini oshirish va hududiy dasturlarni shakllantirish borasidagi innovatsion yondashuvlarga bag‘ishlandi.

Seminarda “Texnolog” aksiyadorlik jamiyatining Marketing bo‘limi boshlig‘i A. Kiselyov “Opût organizatsii marketingovoy deyatelnosti v AO “Texnolog” mavzusidagi ma'ruzasi tinglandi. Ma'ruzachi korxona marketing bo‘limining asosiy faoliyati, vazifalari va bozor imkoniyatlarini oshirish borasida amalga oshirilayotgan ishlarga to‘xtalib, seminar ishtirokchilariga korxonalarda marketing masalalariga e'tibor qaratishi lozim bo‘lgan asosiy jihatlar va muammolar xususidagi o‘zining taklif va tavsiyalarini berdi.

Seminarda O‘zbekiston Respublikasi Iqtisodiyot vazirligi huzuridagi “Tovar bozorlari konyukturasini o‘rganish va investitsiya loyihalari dasturlarini ekspertizadan o‘tkazish” respublika markazi yetakchi mutaxassisi S. G‘aniev “Real sektor korxonalari raqobatbardoshligini oshirishda marketing taqiqotlari o‘tkazishning ahamiyati” mavzusida ma'ruza qildi. Ma'ruzachi marketing tadqiqotlarini o‘tkazish va uning bosqichlari, unda yuzaga keladigan muammolar va e'tibor berilishi lozim bo‘lgan jihatlar ochib berildi. Yirik aksiyadorlik jamiyatlari va chet el investorlarining mamlakatimiz bozorlarini o‘rganish amaliyoti xususida batafsil ma'lumotlar berdi.

Seminarda Marketing kafedrasi professor o‘qituvchilari, ilmiy tadqiqotchilari va talabalarning muhokama mavzulari bo‘yicha fikr va mulohazalari tinglanildi. Seminar qizg‘in va bahs-munozaralarga boy bo‘ldi.

- - -